E ultimo siman di Buitenlandse Stage

Awe nos a yega Bonaire. Nos ta hospeda na Hotel Rochaline. Nos a sera conoci cu nos persona di contacto Sra. Ruthmila kende a duna nos un splicacion di kico su trabou na SEK (Servicio di Enseñansa i Kultura) ta y kico ta e planesnan pa e siman aki.

E cinco scol basico cu nos a bishita aki ta

Kolegio San Bernardo
Kolegio Papa Cornes
Kolegio Kristu Bon Wardador
Kolegio Reina Beatrix
Kolegio San Luis Bertran

Tambe e scol special Watapana na Rincon a ser bishita dor di Sharla.

Diahuebs tabata un dia basta pisa pa nos, caminda despues di a stage na e diferente scolnan, nos a haci un bishita na Rooms Katholiek Schoolbestuur. Despues nos a sigi cu un bishita na Diputado di Enseñansa Sra. Maritza Silberie. Anochi nos tabata invitadonan pa e programa “live” di tv di BOTV. Akinan nos a duna un splicacion di nos bishita na Boneiro y e experencianan cu nos a haña durante nos pasantia.

Diabierna nos a sali den un mini-bus bishita diferente lugarnan turistico di Bonaire entre nan e “Salt Company” caminda nos a haña un splicacion extenso di e proceso pa yega na salo.

Diabierna tambe e pasantia a yega na su fin. Despues di a pasa via transito na Curacao nos a sigi pa Aruba. Nos por mira atras riba un luna caminda nos a siña conoce otro mas mihor, comparti cu otro, y haña hopi experencia cu sigur nos lo pone den practica.

Nos di tres y ultimo siman na Curacao.

Kico tur nos a haci e siman aki?

Diadomingo mainta 7.30 nos a sali den “nos” van rumbo Banda Bou pa Christoffelpark. Sinta patras den baki di un pick-up double cab, nos a sali cu nos tour guide na stuur pa un tour den Christoffelpark. E parke ta bunita y nos a haña splicacion na tur e partinan di e parke cu e nos a para. Nos tabatin oportunidad di wak un bina cu a cruza nos dilanti den e parke. For di e parke bo tin lugarnan unda bo tin bista masha bunita riba e naturaleza.

Despues nos a haña un splicacion extenso di e landhuis Savonet y nos por a tira un bista paden.

Dialuna y diamars Yulan cu ami a stage na Dr. Albert Schweitzer School. E scol aki ta pertenece na e VPCO (Vereniging Protestante Christelijke Scholen) situa na Salinja. E ta un di e 4 scolnan cu a keda cu idioma di instruccion Hulandes. E alumnonan mester haña Papiamento den grupo 6, pero nan no tin maestro pa duna Papiamento.

Mescos cu na Berg Carmel College, aki tambe nos a pasa den diferente grupo pero e biaha aki parti den prome cu pauze y despues di pauze. Nos por a stage den grupo 3, grupo 5, grupo 6 y grupo 8. Locual cu nos por a mira di Enseñansa di Fundeshi na e scol aki ta den grupo 3 e mesanan rondo cu ta ser jama centro caminda e alumnonan por haci diferente actividad. Den grupo 6 nos a topa cu e mesa di instruccion caminda e maestro ta sinta cu algun alumno su dilanti pa duna instruccion. Tambe nos a mira cu den matematica nan ta traha segun e nivel di e alumno. .

Mi a keda impresiona di un les di ICT cu e maestro di ICT a duna e alumnonan di grupo 6 (4de klas). Nos por papia aki di un les integra tanto di ICT, idioma, matematica y geografia. Despues di a duna e alumnonan instruccion di “coördinaten” e alumnonan mester a bai cu nan auto na cierto lugarnan cu ta aparece riba e pantaya pero siguiendo e instruccionan y hacienda uso di matematica y geografia.

E alumnonan ta haña 35 minut di les y e ultimo 10 minutnan nan por hunga weganan cu nan ta desea.

Enseñansa di Fundeshi ainda no a drenta den grupo 8. E alumnonan ta haña les na e manera tradicional y nan ta sinta den rij tras di otro. Loke cu a resalta cu den e grupo 8 tanto na Berg Carmel College y aki, nan ta preparando pa e gecoördineerde proefwerken cu lo tuma lugar na mei.

Diaranson nos a bai den dos grupo pa bishita un schakelklas. Schakelklas ta un klas na un scol den un regio pa muchanan local cu no tin e abilidadnan pa bai scol avansa y cu tin biaha tin problema di comportacion. E alumnonan aki di klas 4 y 5 ta ser poni den un klas special na un scol basico unda nan ta haña guia intensivo pa por judanan pa por sigi pa enseñansa avanza. E klasnan no tin mas cu 16 alumno. Yulan, Natalie, Gisela y ami a bai bishita e schakelklas di Colegio Mons. Julio Henriquez na Fuik y e otro grupo a bishita e schakelklas di Prinses Margrietschool.

Nos a sigi un les di “Webing” (woordspin) di idioma cu e maestro a duna di “Teksto”. E la trata tanto e “spelling” y e “ontleden en benoemen” via di e webing na un manera cu tur alumno por comprende. E ta haci e alumno e pregunta na Papiamento y ta skirbi tur e contestanan na Hulandes riba borchi. E manera con e maestra ta aserca y haci pregunta na e alumnonan a hala mi atencion. Tur alumno ta participa sea di nan mes of na a ser aserca dor di e maestra.

E idea aki di schakelklas nos lo por use sigur na Aruba y asina evita cu e alumnonan aki ta keda atras o ta ser manda scol special.

Aparte di stage nos a volg riba diaranson merdia tambe un college di Sharella Martis di LOFO.

Diahuebs nos por a bishita St. Joris College y diabierna Albertus College. St Joris College ta un scol caminda nan ta inova cu ICT. E scol ta haci uso di “interactive whiteboard” o tambe jama “Digibord”.

E scolnan aki ta e scolnan caminda bo ta wak casi tur e aspectonan di Enseñansa di Fundeshi. Nos por a pasa den tur e clasnan tira un bista con e ta bai. Mi ta haña lastima cu nos no por a sinta den un di e clasnan aki y observa con e dunamento di les ta bai.

Esaki ta nos ultimo week-end na Curaçao. Nos lo haña falta di e cuminda dushi di Campus. Dialuna merdia nos ta sali pa Bonaire . Ya tur e maletanan ta prepara caba. Nos ta bai cu kilonan extra tanto den e maleta como na e curpa. E “countdown” a cuminsa tambe. Prome tabata den siman, aworaki ta dia y un djis aki ta ora.

Cuida curpa. Lo mi lagabo sa kico tur nos lo haci na Bonaire. Te awe ainda pa nos e ta un sorpresa!!!!

Nos di dos siman na Curacao

Riba diadomingo di di dos siman nos a bai wak Seu pero na Banda Bou. Esaki tabata mas grandi cu esun cu nos a wak siman pasa na Suffisant.
E marcha di Seu aki tabata bon organisa y cu hopi ambiente. Nos a mira muchanan di diferente scol, muchanan special, hende grandi y hasta hendenan di edad halto tur tabata gosa den e marcha. Nos por a observa muchanan cu for di chikito ta aprecia nan cultura.
Mi no a mira baricada ni tampoco hende cu ta cana rond, tur ta para na banda ta mira e marcha pasa y gosa di e ambiente.


E prome siman di stage ta tras di lomba. Nos a stage na Berg Carmel College y a haya e oportunidad di por a stage den 4 grupo. Nos a stage dialuna y diamars den grupo 3, diaranson den grupo 6, diahuebs den grupo 5 y diabierna den grupo 8.
Na e scol aki, Berg Carmel College, e maestranan ta ser yama na nan fam den forma di respet. E prome dia di stage nos a keda impresiona con e alumnonan di grupo tres por a traha un dictado cu palabranan dificil na Papiamento, lesa tambe hopi lihe den Papiamento. Nan ta tratando e tema di Naturaleza y e lesnan tur ta draai rond di e tema aki. Nan tin mesa rondo y mesa cuadra,
segun e Ensenansa di Fundeshi, caminda e alumnonan ta sinta den grupo. E scol aki ta scol piloto pa un proyecto di ICT y tur dia e muchanan di grupo 3 y 4 ta haya turno pa traha riba un laptop tanto riba un programa di matematica y programa di idioma. Tur e lesnan den grupo tres ta na Papiamento.

Riba diaranson nos a stage den grupo 6. E maestra ta Hulandes pero e ta papia Papiamento hopi bon. Su lesnan ta hopi bon y tur ta na Hulandes cu excepcion di e les di Papiamento. Segun e maestra den grupo 6 bo ta usa Hulandes pa prepara e alumnonan pa voortgezet y den e klasnan halto nan ta papia Hulandes. Den e klas aki nos por a presencia un les di Papiamento for di metodo "Papiamento nos idioma" cu ta un methodo cu diferente ehercicio y tarea cu ta atrae e atencion di e alumnonan.

Diahuebs nos a stage den grupo 5. Nos por a sigi e maestra su lesnan cu por cierto tabata hopi bon. E tema di e scol completo ta Naturaleza y e maestra a sali den cura di scol pa laga e alumnonan mira e matanan den cura. Tambe e maestra a haci proef cu nan pa nan planta boonchi.

Diabierna tabata nos ultimo dia na e scol. Nos a stage den un grupo 8. Nan ta preparando pa nan gecoordineerde proefwerken. E alumnonan a haya un les di "Global Warming" y despues nan mester a traha den grupo riba un cartolina y pone e motibonan, e consecuencianan y e medidanan di "Global Warming". E les a termina cu un tremendo rima di e methodo "Papiamento nos idioma" caminda e maestra a lesa e prome frase di e tremendo rima "Sushou" y e klas completo ta ripiti. Despues cada grupo a haya e oportunidad pa lesa e rima y uno ta percura pa e musica riba e bom di un "emmer".

E scol aki tin Ensenansa di Fundeshi pero adapta na nan manera. Den grupo 3 nan ta haya Papiamento como idioma di instruccion. Nos a mira den grupo 5 tambe cu e idioma di instruccion ta Papiamento.

E siman aki banda di a stage nos a sigi un college di Sr. Alwin Maduro unda nos como grupo a sera conoci cu tipo di comportacion (gedragstype) di otro. E ta hopi importante como grupo pa nos sa e esaki pa asina nos por tene cuenta cu otro.

E siman cu ta bini tambe ta mustra di ta bai ta interesante. Keda pendiente.

Nos prome siman na Curacao

Atanos aki na Curacao. Nos a yega, despues di un retrazo di algun ora bon pero un tiki cansa. Nos a ser bon ricibi na aeropuerto pa Sr. Alwin Maduro, nos persona di contacto y Sr. Elhage cu lo fungi como nos chauffeur durante nos estadia aki.

Na yegada na Campus nos a haya un rondleiding di un studiante Arubano kende ta biba na Campus. E la mustra nos nos camber y tambe a cana cu nos full rond di Campus.

E prome anochi tabata un tiki dificil pa por a drumi dor di e calor, e sanguranan y e desordo di un actividad cu e studiantenan tabatin.

Prome cu nos siman di stage a cuminsa oficial,
nos a bai Sea-Aquarium y nos a presencia un marcha di Simadan combina cu Seu na Suffisant.
Hopi bon organisa. Mi a ripara cu tur detaye tabata mescos, manera tur hende den un grupo tabatin e mesun renchi orea, e mesun "pargati" na nan pia y sin laga afo e mesun "dundu" cabei falso riba nan cabes. E gruponan tabata consisiti di muchanan te cu hende grandi.

Den e prome siman nos a bishita diferente instancia y algun scol. Nos ta ser busca na Campus dor di Sr. Elhage y hiba tur caminda den un van. E ta hiba nos y sea ta warda nos of ta busca nos bek.
Nos a bishita dialuna 31 di maart 4 scol di Katholieke Schoolbestuur, cualnan ta St. Paulus, Berg Carmel College na ambos situa na Groot Kwartier, Vingdis Jonckheer Mensing College cu tabata Pire College situa na Mahaai y San Dominico School na Montana pa sera conoci cu e school y tambe cu nos mentor, como cu e di dos siman, dialuna, nos lo cuminsa stage. Yulan y ami lo ta duo y nos lo stage na Berg Carmel College.

Despues di a bishita e scolnan nos a bishita diferente instancia. Nos a bishita FiDE (Fundashon pa Inovashon di Ensenansa), akinan nos a haya informacion di con e structura di ensenansa ta hinca den otro for di Sr. Montesant y tambe otro informacionan for di otro tres colega di Sr. Montesant.



Na FMS (Fundashon Material pa Scol) nos tabatin e oportunidad di mira cuanto material na Papiamento a ser desaroya y haya tambe ideanan pa uso di diferente material. Nos tur a keda impresiona y nos a keda mas di locual tabata plania.
Tur hende por a cumpra material y tambe haya un splicacion di tur e materialnan cu nan tin na benta.








Na FPI (Fundashon Planificashon di Idioma) nos a sera conoci cu nan trabounan y tambe haya materialnan na Papiamento cu tin di haber cu e materia idioma.
Nos a bishita Ministerio di Ensenansa i Kultura (Directie Onderwijs) y tambe SGE (Sentro Guia Edukashonal) unda nos a haya informacion di un schakelklas, un klas caminda alumnonan cu no tur a haya asina interesante cu nos a pidi si tin e posibilidad di por bishita uno y locual lo ser regla tambe pa nos.


Riba diabierna di e prome siman nos a bishita Kolegio Erasmo, cu ta e scol cu a ser funda pa Sr. Frank Martinus Arion y ta e Skol Humanista na Papiamento. Nos a ser hopi bon ricibi pa e cabesante di scol Tio Eugene, por cierto na e scol aki nan ta yama e maestronan Tio y Tanchi. Loke a resalta ta cu hopi hende ta kere cu e skol aki ta dedica atencion na Papiamento so y no na otro idioma, siendo cu nan ta e unico scol cu ta atende tur 4 idioma cuminsando for di grupo 1 cu familiarisacion di e idioma hulandes y for di grupo 4 ta cuminsa oficial cu Hulandes. Den grupo 5 cu familiarisacion cu e idioma Ingles y den grupo 6 e ta bira oficial. Den grupo 6 nan ta cuminsa cu familiarisacion cu e idioma Spano y den grupo 7 e ta bira oficial.

Si bo ta kere cu ta e instancianan y scolnan so nos a bishita den e prome siman como stazjer (no hari asina e ta ser skirbi) bo ta ekiboca. Nos a hasta volg un college na UNA di SLB (Studie Loopbaan Begeleiding) caminda nos a intercambia cu studiantenan di di dos ana di LOFO (Lerarenopleiding Funderend Onderwijs).

Tur caminda cu nos a bai nos a ser hopi bon ricibi. Nos a hana informacion y tambe contestanan riba e preguntanan cu nos tabatin principalmente riba Ensenansa di Funeshi.

Den week-end tur hende tabata liber pa bai unda nan tabata desea. Mayoria a tuma caminda pa
Punda y Otrabanda.


Keda pendiente pa mi contabo tur cos cu nos a haci den di dos siman.

Kico bo ta bai haci na Corsou?

Deze vraag werd aan mij in de afgelopen weken verschillende keren gesteld. Waarom heb ik voor Curacao/Bonaire gekozen?
Aangezien de bedoeling is dat op Aruba de instructie taal Papiamento wordt en wij als toekomstige leerkrachten dit zeker mee zullen maken, wil ik onderzoeken wat de resultaten zijn van de introductie van Papiamento als instructietaal op Curacao en Bonaire. Hoe ervaren de leerlingen om les te krijgen in hun moedertaal.
We gaan verschillende onderzoeken doen op gebied van innovaties in het onderwijs zowel op Curacao als op Bonaire. Tevens zullen we na gaan hoe ze op de scholen omgaan met multiculturaliteit.
Na de buitenlandse stage hoop ik een beeld te krijgen van de onderwijssystemen
op de ABC-eilanden.

Wie gaan allemaal mee naar Curacao en Bonaire?




Melisa,
Gisela,
Natalie,
Fawzya,
Yulan,
Maureen,
Mariela
en Sharla (niet op de foto)